Esperanto-klubo de Niĵnij Novgorod invitas vin al NESTo
Naturista Esperantista Somera Tendaro!!!
Antaŭ ĉio:
Estas aranĝita informo pri loko de la tendaro
Estas aranĝitaj aldonaj rabatoj por familioj kaj gejunuloj
Legu pri nia koncepto de naturismo
KIAM |
La tendaro komenciĝos je la 10 de julio 2003 kaj daŭriĝos dum 7 tagoj.
8 de julio vespere | Alveturo de organiza teamo |
9 de julio | Organiza tago |
10 de julio | Komuna alveno, malfermo de la tendaro (ekde tagmanĝo) |
10-17 de julio | Ĉefa programo |
17 de julio | Matenmanĝo, resumigo, premiigo kaj forveturo |
KIE |
La tendaro lokiĝos apud urbeto Frolisĉi (Фролищи) ĉe rivero Luĥ (Лух). La urbeto situas apud limo de Ivanova, Niĵegoroda kaj Vladimira regionoj. En la urbeto estas tre malnova preskaŭ detruita monakejo, kiun ni vizitos por ekskurso kaj monakejestro rakontos al ni pri historio de la monakejo.
Kiel atingi la urbeton.
Kiel atingi la tendarlokon.
Unue trovu la stacion. Tie ne estas stacidomo aŭ kajo, nur reloj kaj etaj dometoj, sed ĉiuj scias ke ĉi tiu loko nomiĝas "stacio". De tie transiru relojn kaj iru laŭ pado inter stadiono (maldekstre) kaj metalaj duonrondaj konstruaĵoj malantaŭ barilo (dekstre). Vi trafos aŭtan arbaran vojeton. Iru laŭ ĝi 4-5 km ĝis ĝia fino. La vojeto jen iras laŭ Luĥ, jen enarbariĝas. Viaj orientiloj ankaŭ estos ruĝaj farbaj rimarkiloj sur arboj. La vojeto finiĝas ĉe la rivero, tie staras ligna tablo kun benkoj. De tiu loko vi iru laŭ riverfluo ankoraŭ ĉirkaŭ 1 km ĝis trovos la tendaron.
Ni atendas vin!
SPECIALECO |
La tendaro estos vere tendara! Ne estos apude iuj konstruaĵoj.
Nudismo bonvenas sed ne nepras.
La tendaranoj ĉiuj estos vegetaranoj kaj dezirantoj
povos manĝi fiŝon aŭ insektojn, aŭ... se sukcesos ilin
kapti. :)
La tendaranoj mem kuiros kaj zorgos pri si. Organizantoj nur provizas manĝproduktojn.
Oni prohibos fumi kaj drinki.
PROGRAMO |
Programo estos laŭ scenaro de fama TV-elsendo "Lasta Heroo" (En usono oni nomas tiun ludon "Transvivanto" aŭ "Survivor"). Ni ĉiuj estos herooj dum tiu tempo kaj devos plenumi diversajn taskojn, diveni multajn enigmojn en tiu mistera loko! Kaj fine restos nur unu heroo kiu ricevos specialan premion.
Sed ne timu: neniu devigos vin lasi la tendaron! :))
Ĉiuj partoprenontoj ricevos donacojn! Tuta premia fonduso estas pli ol $1000 dank'al nia sponsoro - INOE!
Specialajn donacojn ricevos:
ĉiu infano,
ĉiu nudisto,
ĉiu eksterlandano,
ĉiu esperantisto (nur-esperanto-parolanto)!
En la programo:
Beleckonkurso
Korpopentrado
Diversaj sportaj konkursoj
Diversaj intelektaj konkursoj
Sovaĝaj dancoj, kantoj
Teatro de herooj
Ĉasado, konkurado, rivalado, humurado...
Krome vi havos multon da tempo por teneriĝi kaj bruniĝi sub sunaj radioj, naĝi tage kaj nokte, por kanti kantojn kaj komunikiĝi kun amikoj ĉe lignofajro, por ludi somerajn kaj ĉiusezonajn ludojn.
Ĉefe programo de la tendaro estos esperantlingva,
sed certe se iu ne scias esperanton bone, sed tamen volas scii, ankaŭ tiu
povas partopreni!
Se vi volas proponi ion por la programo aŭ por menuo - bonvolu kontakti nin laŭ adresoj indikitaj ĉi sube.
BONE ! |
Nin subtenas kaj sponsoras INOE - Internacia Naturista Organizo Esperantista !
Ĉefa premio por La Lasta Heroo ---------------------------> | |
Kelkaj premioj por aliaj konkursoj - po -------------------> |
Inter aliaj donacoj estos pojnohorloĝoj, kalkuliloj, poŝtranĉiloj, fotofilmoj kaj unujara membreco de INOE kun 4 numeroj de ĵurnalo "Naturista Vivo"
KOTIZOJ |
Estas du variantoj por pagi: antaŭe kaj surloke
Antaŭa pago estas 850 rubloj.
Surloka pago estas 1100 rubloj, sed por aliĝi al la tendaro vi
devas antaŭpagi 250 rublojn, kaj surloke alpagi 850 rublojn.
Infanoj 0-3 jaroj estas senpagaj.
4-7 jaroj 300 rubloj
8-12 jaroj 700 rubloj
13-... plena prezo
Infanoj ne antaŭpagendas. Nur menciu pri ili en aliĝilo.
Familioj |
100 rubloj por cxiu membro de familio |
Homoj antaŭ 25 jaroj | 100 rubloj |
KIEL ALIĜI |
Aliĝi nepras antaŭe! Ĉar ni devas bone antaŭplani provianton. Aliĝi surloke ne eblas!
Aliĝilojn kaj monon sendu laŭ adreso de Kozlov Aleksej.
Ĉi tie estas la aliĝilo.
Se vi bezonas invitilon sendu informon al
khozin@admgor.nnov.ru,
kaj kopion al etualo@mts-nn.ru,
boogier2@mail.ru
Nepre bezonata informo:
1. kopio de via pasporto
2. kopio de via asekura poliso
3. informo pri via laboro: plena titolo de via organizo, adreso, via posteno,
(laŭ deziro via telefonnumero - ne nepras, sed deziratas)
4. urbo kaj ambasadejo, kie vi ricevos vizon
5. obleco de vizo
6. celo de alveno
7. periodo de via estonteco en Rusio
8. numero de via fakso
Por fari invitilon bezonatas 2-3 tagoj, sed la invitiloj estos farotaj de la
nomo de administrado de nia urbo (Niĵnij Novgorod) kaj oni kun ni laboras
nur kiam ĉiuj informoj estas plenaj kaj preferas fari samtempe kelkajn
invitilojn.
Pro tio plena informo devas esti ĉe ni ĝis la 7a de junio. Ju pli
frue, des pli bone.
Donu informon en angla (aŭ rusa) lingvo, aŭ esperante - ni tradukos J
KONTAKTOJ |
Organiza teamo:
Akimova Jelena (Etulinka). 603098, Niĵnij Novgorod, ul. Artelnaja 11-34. Tel (8312) 395479. E-mail: etulinka@mail.ru
Kozlov Aleksej (Lo'). 603003, Niĵnij Novgorod, ul. Dmitrija Pavlova, 6-104. Tel. (8312) 718666. E-mail: boogier2@mail.ru
________________________________________________________
Paĝaro faritas de Boogier
Vizitu ĉi tiujn esperantajn-paĝarojn